Іске асыру мерзімі: 2021 жылдың 1 қыркүйегі – 2022 жылдың 31 наурызы. (7 ай)
Донор: Ұлыбританияның Сыртқы істер және халықаралық даму департаменті (FCDO)
Қазақстан Республикасының Үкіметі 2030 жылға дейінгі кезеңге арналған жаңа Құқықтық саясат тұжырымдамасын әзірледі. Дегенмен, Қазақстан экономиканың әртүрлі салаларында жаһандық сын-қатерлермен, сондай-ақ адам құқықтары мен бостандықтарына қауіп төніп тұрған жаңа жағдайларда үкіметтік емес сектор жаңа Құқықтық саясат тұжырымдамасын әзірлеуге және талқылауға шақырылмады.
Осыған байланысты жобаның негізгі мақсаттары:
- үкіметтік емес ұйымдардың, заңгерлердің, адвокаттар мен белсенділердің, түрлі азаматтық бастамалардың Құқықтық саясат тұжырымдамасын қоғамдық талқылау және Тұжырымдаманы іске асыру бойынша өз ұсыныстарын енгізу үшін күш-жігерін біріктіру;
- мемлекетті ҮЕҰ секторына және заң дайындау процесіне қатысты заңнама бойынша азаматтық қоғаммен ашық және кең ауқымды диалогты бастауға шақыру;
- заң үстемдігі мен адам құқықтарына негізделген транспаренттік, қатысу демократиясы, плюрализм және есеп берушіліктің демократиялық құндылықтарына сәйкес жұмыс істейтін тиімді демократиялық институттар мен процестерді дамытуға жәрдемдесу.
Осы жоба аясында келесі міндеттер жүзеге асырылуда:
- Азаматтық қоғамнан бірлескен ұсыныстар жиынтығын қалыптастыру.
- Ұсыныстар бойынша кең талқылауды ынталандыру және қоғамдық секторды азаматтық қоғаммен диалогқа тарту.
- Қоғамдық талқылауды ынталандыру және адам құқықтары мен заң үстемдігін сақтайтын құқықтық саясатты реформалаудың негізгі ұсыныстары бойынша пікірлерді қалыптастыру үшін жаңа заң жобалары туралы жұртшылықты кеңінен хабардар ету.
Арнайы жобалық іс-шаралар мыналарды қамтиды:
1-ші іс-шара: Адам құқықтары мен заң үстемдігін қамтамасыз етудегі негізгі міндеттерді ескере отырып, Қазақстанның 2030 жылға дейінгі құқықтық саясатының тұжырымдамасына ұсыныстар мен ұсынымдарды дайындау.
2-ші іс-шара: азаматтық қоғамның ұсыныстарын қалыптастыру және ілгерілету үшін талқылау және диалогтық 6 іс-шара өткізу.
3-ші іс-шара: Жаңа Құқықтық саясат тұжырымдамасы бойынша азаматтық қоғамның ұсыныстары туралы халықтың хабардарлығын арттыру мақсатында бұқаралық ақпарат құралдары мен әлеуметтік желілерде ақпараттық науқан.
